મેરાન્યૂઝ નેટવર્ક રાજકોટ: શહેરનાં એરપોર્ટ ખાતે આજે વહેલી સવારે કોરોના વેકસીનનો જથ્થો આવી પહોંચ્યો હતો. ત્યારે કેબિનેટ મંત્રી આર. સી. ફળદૂ, કલેક્ટર રેમ્યા મોહન અને પૂર્વ મેયર સહિતાનાઓ દ્વારા ફૂલોથી વેકસીનનાં વધામણાં કરાયા હતા. આ તકે સાંસદ મોહન કુંડારિયા પણ ખાસ હાજર રહ્યા હતા. પ્રથમ તબક્કામાં સૌરાષ્ટ્ર માટે સીરામ ઇન્સ્ટિટ્યૂટની વેકસીનનાં 77000 ડોઝની ફાળવણી કરવામાં આવી છે.

વેકસીનનાં સ્ટોરેજ માટે અત્યારે રાજકોટના વિભાગીય સ્ટોર ખાતે 2 WIC અને 6 ILR (ફ્રીજ) ઉપલબ્ધ છે. જેમાં વીજળીનો પ્રવાહ 24 કલાક મળી રહે તે માટે ઓટો સ્ટાર્ટ જનરેટરની વ્યવસ્થા રાખેલી છે. વેક્સીનનો જથ્થો ખાસ વાન મારફતે રિજીયોનલ વેકસીન સેન્ટર ખાતે લાવવામાં આવ્યો છે. તેમજ અહીંથી સૌરાષ્ટ્રનાં જુદા-જુદા જીલ્લાઓમાં મોકલી આપવામાં આવશે. અને જે-તે જિલ્લાના જ વેક્સિન સ્ટોર ખાતે સપ્લાય કરવામાં આવશે.

સૌરાષ્ટ્રનાં ક્યાં જિલ્લામાં કેટલા ડોઝ મોકલાશે

રાજકોટ જીલ્લા પંચાયત - 9000 ડોઝ

રાજકોટ મહાનગરપાલિકા - 16500 ડોઝ

જામનગર જીલ્લા પંચાયત - 5000 ડોઝ

જામનગર મહાનગરપાલિકા - 9000 ડોઝ

દેવભૂમિ દ્વારકા જીલ્લા પંચાયત - 4500 ડોઝ

પોરબંદર જીલ્લા પંચાયત - 4000 ડોઝ

મોરબી જીલ્લા પંચાયત - 5000 ડોઝ

કચ્છ જીલ્લા પંચાયત - 16000 ડોઝ