મેરાન્યૂઝ નેટવર્ક, અમદાવાદ: ગત રાત્રે 1 વાગ્યે દિવ-ઉના વચ્ચે તૌક્તે વાવાઝોડું 150 પ્રતિ કલાકની ઝડપના પવન સાથે ટકરાયા બાદ આગળ વધી રહ્યું છે. હાલ વાવઝોડાના પવનની ગતિ 100 કિ.મી. પ્રતિ કલાક આસપાસ છે અને તે બપોરે 3 વાગ્યા આસપાસ અમદાવાદથી પસાર થશે. જેથી શહેરમાં પણ અનેક વૃક્ષો ધરાશાયી થવાની શક્યતા છે.

અત્રે ઉલ્લેખનીય છે કે સમગ્ર રાજ્યના 35 તાલુકમાં 1 ઇંચથી વધુ વરસાદ પડ્યો છે. જ્યારે વાવાઝોડામાં વાપી, રાજકોટ અને ગારીયાધારમાં એક-એક મળીને કુલ 3 વ્યક્તિનાં મોત થયા છે. ભીષણ વાવાઝોડામાં ગુજરાતમાં 40 હજાર વૃક્ષો ધરાશાયી થયા છે. 16500 મકાન અસરગ્રસ્ત થયા છે, 1081 થાંભલા પડી ગયાની ફરિયાદ મળી છે. જ્યારે 2400 ગામોમાં હજુ વીજળી પુરવઠો બંધ છે.

મુખ્યમંત્રી વિજય રૂપાણીએ જણાવ્યું હતું કે, ભાવનગરમાં ઓક્સિજન પ્લાન્ટમાં પાવર કટ ના કારણે સમસ્યા થઈ હતી. 16 જગ્યાએ હોસ્પિટલમાં વીજ પુરવઠો ખીરવાયો હતો.જ્યાં જનરેટર હતા. હાલ 2437 ગામ વીજ ડુલ થઈ હતી. જેમાં 484 ગામમાં પૂર્વવત કરાઈ છે. 220 kvના સ્ટેશન બંધ થઈ ગયા છે જ્યાં કામગીરી ચાલુ છે. અત્યાર સુધીમાં 1081 થાંબલા, 40 હજાર વૃક્ષો પડી ગયા. 196 રસ્તા બંધ થઈ ગયા, 16500 કાચા મકાન અસરગ્રસ્ત થયા છે, જેનો સર્વે ચાલુ છે. બીજા વિસ્તારમાં 100થી વધુની સ્પીડે પવન ચાલુ છે ત્યાં પણ નુકસાનનો સર્વે ચાલુ છે. અત્યારે વરસાદ 35 તાલુકામાં 1 ઈંચ વરસાદ થયો છે. બગસરામાં 9 ઈંચ, ઉનામાં 8 ઈંચ, સાવરકુંડલામાં 8 ઈંચ, અમરેલી અને આસપાસના સ્થાનોમાં 5 ઇંચ વરસાદ પડ્યો છે. કન્ટ્રોલરૂમથી તમાનની સાથે સંપર્કમાં છીએ. અત્યાર સુધી 3નાં મોત થા છે. જેમાં 1 વાપી, 1 રાજકોટ અને ગારીયાધારમાં 80 વર્ષના 1 વૃદ્ધનું મોત થયું છે.