મેરાન્યૂઝ નેટવર્ક. મુંબઈ: સુશાંતસિંહ રાજપૂતનાં નિધનને હજી બે મહિનાથી વધુનો સમય વીતી ચૂક્યો છે. સીબીઆઈ હાલમાં આ કેસની તપાસ કરી રહી છે. હમણાં સુધી, સીબીઆઈએ આ કેસમાં ઘણા લોકોની પૂછપરછ કરી છે. જેમાંથી એક સુશાંતની ફ્લેટમેટ સિદ્ધાર્થ પિઠાણી છે. સીબીઆઈની પૂછપરછમાં સિદ્ધાર્થ પિઠાણી એ અનેક ઘટસ્ફોટ કર્યા છે. જેનો સૌથી મોટો ખુલાસો હાર્ડ ડિસ્કથી ડેટા ડીલીટ કરી નાખવા વિશે છે.

સીબીઆઈએ સિદ્ધાર્થ પિઠાણી, સેમ્યુઅલ મીરાન્ડા અને બે ઘર સહાયકોની પૂછપરછ શરૂ કરી હતી. જેમાં ઘણું બધું સીબીઆઈની સામે આવ્યું હતું. સુશાંત અને રિયાના સંબંધ અને દિશા સલિયનના મોતથી સંબંધિત તમામ સવાલોના જવાબ સિદ્ધાર્થ પીઠાણીએ સીબીઆઈને આપ્યા છે. તેણે એમ પણ કહ્યું હતું કે દિશા સાલિયાનના મૃત્યુ પછી સુશાંત સિંહ રાજપૂતે તેની હાર્ડ ડિસ્કમાંથી ડેટા ડીલીટ કરી નાખવા કહ્યું હતું.

એક મીડિયા રિપોર્ટ અનુસાર સિદ્ધાર્થ પિઠાણીએ રિયા, સુશાંત અને તેની સાથેના સંબંધો, નોકરી છોડીને ઘરે પરત આવવા ઉપરાંત દિશા સલિયનના મોત ઉપરાંત અનેક મુદ્દાઓ પર મૌન તોડ્યું છે. દિશા સસાલિયાનની મૃત્યુના સંબંધમાં, પિઠાણીએ કથિત એજન્સીઓને જણાવ્યું હતું કે આ વાતથી પરેશાન હતો. પિઠાણીએ પોતાના નિવેદનમાં દાવો કર્યો છે કે દિશાની મૃત્યુ બાદ સુશાંતે તેને તેના રૂમમાં સૂઈ જવા અને દિશાની મૃત્યુ વિશે અપડેટ આપવા જણાવ્યું હતું.

સિદ્ધાર્થે વધુમાં દાવો કર્યો હતો કે સુશાંતદિશાની મૃત્યુ બાદ કોર્નરસ્ટોન મેનેજર ઉદય સાથે વાત કરી રહ્યો હતો કારણ કે શ્રુતિ મોદીને પગમાં ઈજા થઈ હતી અને તે દરમિયાન દિશા તેનું કામ સંભાળી રહી હતી. અહેવાલો અનુસાર, પિઠાણી એ પોતાના નિવેદનમાં કહ્યું છે કે સુશાંતે 10 જૂને તેને હાર્ડ ડિસ્કથી તેના તમામ વીડિયો અને ડેટા ડિલીટ કરવા માટે કહ્યું હતું. વળી, પીઠાણીએ દાવો કર્યો હતો કે તે સુશાંતના કહેવા પર જ હતો કે તેણે ગીતો અને વીડિયોને હાર્ડ ડ્રાઇવથી ડિલીટ કરી નાખ્યા.

મહત્વનું છે કે સીબીઆઈની ટીમ સુશાંત સિંહ રાજપૂત તેમજ દિશા સાલિયાનના મોતના કેસની તપાસ કરશે. કારણ કે સુશાંતના મૃત્યુ પછી આ બંને કેસ એક સાથે જોડાયેલા જોવા મળ્યા હતા. જેના કારણે સીબીઆઈ આ બંનેની તપાસ કરશે. આ સિવાય મુંબઈ પોલીસમાંથી દિશા સાલિયાનના કેસની ફાઇલ પોલીસથી ડિલીટ થઇ ગઇ. આને કારણે સીબીઆઈની શંકા વધારે ગહેરી થઇ ગઈ છે  કે બંનેની તપાસ સાથે કંઈક સંબંધ છે.