મેરાન્યૂઝ નેટવર્ક.નવી દિલ્હીઃ ઓઈલ કંપનીઓ દર મહિને એલપીજી સિલિંડરના ભાવની સમીક્ષા કરે છે. દરેક રાજ્યમાં ટેક્સ અલગ અલગ હોય છે અને તેના હિસાબથી એલપીજીના ભાવોમાં અંતર હોય છે. આ મહિને દેશની ઓઈલ માર્કેટિંગ કંપનીઓએ 14.2 કિલોગ્રામના વગર સબ્સિડી વાળા એલપીજી રસોઈ ગેસ સિલિંડરની કિંમતોમાં બદલાવ નથી કર્યો. ત્યાં જ 19 કિલોગ્રામના સિલિંડરમાં વધારો કરવામાં આવ્યો છે.

આઈઓસીએલની વેબસાઈટ પરથી પ્રાપ્ત જાણકારી અનુસાર દિલ્હીમાં 14.2 કિલોગ્રામ વાળા સબસિડી વગરના એલપીજીના ભાવ પહેલાની જેમ 694 રૂપિયાનો જ છે. કોલકત્તામાં તેનો ભાવ 720.50 રૂપિયા, મુંબઈમાં 694 રૂપિયા અને ચેન્નાઈમાં 710 રૂપિયા છે. આપને જણાવી દઈએ કે 15 ડિસેમ્બરે જ તેની કિંમતોમાં 50 રૂપિયાનો વધારો કરવામાં આવ્યો હતો.

19 કિલોગ્રામ વાળા કોમર્શિયલ ગેસ સિલિન્ડરનો ભાવ વધ્યો છે. દિલ્હીમાં આ 1332 રૂપિયાથી 17 રૂપિયા વધીને 1349 રૂપિયાનો થયો છે. કોલકત્તામાં 22.50 રૂપિયાનો વધારો થયો જેનાથી 1387.50થી વધી 1410 રૂપિયા થઈ ગયો છે. મુંબઈમાં 17 રૂપિયાનો વધારો થયો જેનાથી ભાવ 1280.50થી વધી 1297.50 થઈ ગયો છે. ચેન્નાઈમાં તેની કિંમત 1446.50 હતી જેમાં 16.50નો વધારો થતાં તેનો ભાવ 1463.50 થઈ ગયો છે.

હાલના સમયમાં સરકાર એક વર્ષમાં દરેક ઘર માટે 14.2 કિલોગ્રામના 12 સિલિન્ડર્સ પર સબસિડી આપે છે. જો ગ્રાહક તેનાથી વધુ સિલિન્ડર ઈચ્છે છે તો તેને તે બજાર મુલ્ય પર ખરીદવાના થાય છે. ગેસ સિલિન્ડરની કિંમત દર મહિને બદલાય છે. તેની કિંમત સરેરાશ આંતરરાષ્ટ્રીય બેંચમાર્ક અને વિદેશી દરોમાં બદલાવ જેવા કારક નિર્ધારિત કરે છે.

રસોઈ ગેસ સિલિંડરની કિંમત ચેક કરવા માટે આપને સરકારી ઓઈલ કંપનીની વેબસાઈટ પર જવું પડશે જ્યાં કંપનીઓ દર મહિનાના નવા સ્ટેટસ જાહેર કરે છે. https://iocl.com/Products/Indanegas.aspx આ લીંક પર આપને આપના શહેરના ગેસ સિલિંડરનો ભાવ જાણવા મળી જશે.