મેરાન્યૂઝ નેટવર્ક.નવી દિલ્હી: કેજીએફના ડિરેક્ટર પ્રશાંત નીલે તેની આગામી ફિલ્મની ઘોષણા કરી દીધી છે. તે આ ફિલ્મ પ્રભાસ સાથે બનાવી રહ્યો છે અને આ ફિલ્મમાં પ્રભાસ ખૂબ જ ખતરનાક અંદાજમાં જોવા મળશે. પ્રભાસ અને કેજીએફ ડાયરેક્ટરની આ ફિલ્મનું નામ છે 'સાલાર'. પ્રભાસના સાલારનું ફર્સ્ટ લુક પોસ્ટર પણ બહાર પાડવામાં આવ્યું છે, જેમાં પ્રભાસ ખૂબ જ ડેશિંગ અને ખતરનાક સ્ટાઇલમાં જોવા મળી રહ્યો છે. પ્રભાસે પોતાના ઇન્સ્ટાગ્રામ એકાઉન્ટ પર ફિલ્મની આ ફર્સ્ટ લુક પોસ્ટ રિલીઝ કરી છે અને આ પોસ્ટર પર ચાહકોની પણ ઘણી પ્રતિક્રિયાઓ મળી રહી છે.

પ્રભાસએ 'સાલાર'નું પોસ્ટર શેર કરતાં લખ્યું હતું કે' આજે મેં સાલારની દુનિયામાં પગ મૂક્યો છે. શૂટિંગ 21 જાન્યુઆરી 2021 થી શરૂ થવા જઈ રહી છે. આ રીતે, પ્રભાસની ફિલ્મનું પોસ્ટર રિલીઝ થતાની સાથે જ ચાહકોમાં ભારે ઉત્સાહ જોવા મળી રહ્યો છે અને ચાહકો સતત પ્રતિક્રિયાઓ પણ કરી રહ્યા છે. આમ પણ, પ્રભાસની એક્શન શૈલી તેના ચાહકોને ખૂબ પસંદ આવે છે.


 

 

 

 

 

પ્રભાસના આ દિવસોમાં ઘણા મોટા પ્રોજેક્ટ્સ છે અને તેની બધી ફિલ્મો મોટા પ્રોજેક્ટ્સની  છે. પ્રભાસની આગામી ફિલ્મ રાધે શ્યામ છે, જેમાં તેની સાથે પૂજા હેગડે જોવા મળશે. એટલું જ નહીં, તે ઓમ રાઉત સાથે 'આદિપુરુષ' પણ કરી રહ્યો છે જે એક ભવ્ય ફિલ્મ છે. આ પછી, તેની ફિલ્મ દીપિકા પાદુકોણ સાથે છે, જેનું નિર્દેશન નાગ અશ્વિન કરી રહ્યા છે.