મેરાન્યૂઝ નેટવર્ક.જામનગર : જયેશના સામ્રાજ્યને તોડવા માટે એસપી દીપેન ભદ્રનએ ગુજસીટોકનું હથિયાર ઉગામી ધરપકડ કરવામાં આવેલ ભુમાફિયા જયેશ પટેલના 2 સાગરીતો જાડેજા બંધુને રાજકોટ કોર્ટે બાર દિવસના રિમાન્ડ પર લેવા હુકમ કર્યો છે. જ્યારે બિલ્ડર નીલેશ ટોલિયા સહિત અન્ય આરોપીઓને જેલ હવાલે કરવાનો હુકમ કરવામાં આવ્યો છે. જો કે પોલીસે આ તમામને અન્ય શહેરની જેલમાં મોકલવા કોર્ટને અરજ કરી છે. 

જામનગર પોલીસે જયેશ પટેલ ગેંગના વેપારીઓ, પૂર્વ પોલીસકર્મીઓ, રાજકારણીઓ સહિત 8ની ધરપકડ કરી 14 શખસો વિરૂદ્ધ ગુજસીટોક હેઠળ ગુનો નોધી આઠેય આરોપીઓને રિમાન્ડ લીધા હતા. જિલ્લામાં ઘણા સમયથી મોકાની જમીનો અને વેપારીઓ પાસેથી પૈસા પડાવવાની પ્રવૃત્તિ જયેશ પટેલ ગેંગ દ્વારા કરાતી હતી. જે અંગે રાજ્ય સરકારમાં રજૂઆત થતાં સરકાર ચોંકી ઉઠી હતી અને તાત્કાલિક સ્પેશિયલ ટીમો બનાવી જયેશ પટેલ અને તેના સાગરિતો પર તૂટી પડી હતી. 


 

 

 

 

 

 

દરમિયાન જયેશ પટેલની ગેંગ માટે કામ કરતાતુલ વિઠ્ઠલભાઈ ભંડેરી (ભાજપના કોર્પોરેટર), વસરામ ગોવિંદભાઈ મિયાત્રા (પૂર્વ પોલીસકર્મી), નિલેશ મનસુખભાઈ ટોલિયા (બિલ્ડર), મુકેશ વલ્લભભાઈ અભંગી (બિલ્ડર), પ્રવીણ પરસોત્તમભાઈ ચોવટિયા, જીગર ઉર્ફે જીમી પ્રવીણચંદ્ર આડતિયા (સાધના ફોરેક્સ), અનિલ મનજીભાઈ પરમાર, પ્રફુલ્લ જયંતિભાઈ પોપટ (વેપારી, ગ્રેઈન માર્કેટ), જશપાલસિંહ મહેન્દ્રસિંહ જાડેજા (જમીન લે-વેચ), જયેશ મુળજીભાઈ પટેલ (ભૂ-માફિયા), રમેશ અભંગી, યશપાલસિંહ જાડેજા, વકીલ વીએલ માનસાતા અને સુનીલ ચાંગાણી સહિતના ૧૪ સબ્સ સામે ગુજસીટોક હેઠળ ગુનો નોંધાયો હતો અને પકડી પાડવામાં આવેલ આઠને રાજકોટ કોર્ટમાં રજૂ કરી પાંચને બાર દિવસ અને અન્ય ત્રણને નવ દિવસના રિમાન્ડ પર લઇ પુછપરછ કરી હતી. 

આ પૈકી મુકેશ અભંગીને બીજી વખત ત્રણ દિવસના રિમાન્ડ મેળવી સઘન પૂછપરછ કરી હતી. જયારે બુધવારે જેલમાં રહેલ જસપાલસિંહ જાડેજાનો કબજો લઈ તથા તેના ભાઈ યશપાલસિંહની ધરપકડ કરી હતી. આ તમામ આરોપીઓને આજે રાજકોટ કોર્ટમાં રજુ કરવામાં આવ્યા હતા જેમાં યશપાલ અને જસપાલ બંધુઓના વીસ દિવસની માંગણી સામે બાર દિવસ અને અન્ય પાંચ આરોપીઓને જેલ હવાલે કરવાનો હુકમ કોર્ટે કર્યો છે. બીજીતરફ આ ગુનાહિત માનસિકતા ધરાવતા આરોપીઓએ એક જ જેલમાં સંગઠિત ન થાય તે માટે પોલીસે કોર્ટમાં અરજી કરી તમામને અલગ અલગ જેલમાં મોકલવા વિનંતી પણ કરી છે.

ભૂમાફિયા જયેશ પટેલ ના સાગરીતો ને લઈ પોલીસ ની અરજી કોર્ટે ગ્રાહ્ય રાખી, તમામ આરોપીઓને બે બે ની ટુકડીમાં અલગ અલગ જેલમાં રાખવામાં આવશે, તમામ આરોપીઓ જામનગર જેલમાં પણ એકઠા થઈ સિન્ડિકેટ ન રચે તે હેતુ થી પોલીસે કરી હતી અરજી. અરજીમાં પોલીસે કોર્ટને જણાવી હતી કેટલીક બાબતો, પોલીસ ની રજૂઆત ને નામદાર કોર્ટે ગ્રાહ્ય રાખી.