મેરાન્યૂઝ નેટવર્ક.લંડનઃ જલિયાવાલા બાગ નરસંહારનો બદલો લેવા માટે એક શખ્સ બ્રિટનની મહારાણી ક્વીન એલિઝાબેથ દ્વિતીયના મહેલ પર તીર કમાન સાથે ઘૂસી ગયો છે. બ્રિટિશ મહારાની એલિઝાબેથ ક્રિસમસ મનાવવા માટે વિંડસર કૈસલ પહોંચ્યા હતા. કહેવાઈ રહ્યું છે કે આ હુમલાખોર જસવંત સિંહ ચૈલ 19 વર્ષનો છે અને વર્ષ 1919માં થયેલા અમૃતસર નરસંહારનો બદલો લોવા માટે મહારાનીને મારવા માટે પહોંચ્યો હતો. પોલીસે તેને માનસિક સ્વાસ્થ્ય કાયદા અંતર્ગત અટકાયતમાં લીધો છે.
ધ સનના અહેવાલ મુજબ લંડન પોલીસ તેના માનસિક સ્વાસ્થ્યની તપાસ કરાવી રહી છે. જસવંત સિંહને તબીબી કર્મચારીઓની દેખરેખ હેઠળ રાખવામાં આવ્યા છે. આ ઘટનાનો એક ચોંકાવનારો વીડિયો સામે આવ્યો છે જેમાં હુમલાખોર જસવંત સિંહ તીરથી સજ્જ જોવા મળે છે. જસવંત સિંહે નાતાલના દિવસે સવારે 8:06 વાગ્યે સ્નેપચેટ પર એક વીડિયો અપલોડ કર્યો હતો. તેને વિન્ડસર કેસલની અંદરથી કસ્ટડીમાં લેવામાં આવ્યો છે.
Advertisement
 
 
 
 
 
'આ 1919ના જલિયાવાલા બાગ હત્યાકાંડમાં માર્યા ગયેલા લોકોનો બદલો છે'
જસવંત પોતાનો અવાજ છુપાવવા માટે ફિલ્ટરનો ઉપયોગ કરતો હતો. તેણે હૂડી અને માસ્ક પહેર્યો હતો. તેનો ડ્રેસ સ્ટાર વોર્સ મૂવીથી પ્રેરિત લાગે છે. તેણે વીડિયોમાં કહ્યું, 'મને માફ કરજો. મેં જે કર્યું તેના માટે મને માફ કરો અને હું શું કરીશ. હું રાણી એલિઝાબેથને મારી નાખવાનો પ્રયત્ન કરીશ. આ 1919ના જલિયાવાલા બાગ હત્યાકાંડમાં માર્યા ગયેલા લોકોનો બદલો છે.
જસવંતે કહ્યું, 'આ જલિયાવાલા બાગમાં માર્યા ગયેલા લોકોનો બદલો છે. તેમની જાતિના કારણે તેઓને હેરાન કરવામાં આવ્યા અને તેમની સાથે ભેદભાવ કરવામાં આવ્યો. હું ભારતીય શીખ છું. મારું નામ જસવંત સિંહ છેલ છે. મારું નામ ડાર્થ જોન્સ છે. જણાવી દઈએ કે જલિયાવાલા બાગ હત્યાકાંડમાં અંગ્રેજોએ 379 લોકોને ઠાર માર્યા હતા અને 1200 થી વધુ લોકો ઘાયલ થયા હતા. આ વીડિયો સિવાય સ્નેપચેટ પર એક મેસેજ પણ આપવામાં આવ્યો હતો. જેમાં લખ્યું હતું કે, 'જેની સાથે મેં ખોટું કર્યું છે અથવા તેમની સાથે ખોટું બોલ્યું છે તેમને મને માફ કરો.
જસવંત મહેલની બહારની દીવાલ ચડીને પ્રવેશ્યા હતા
જસવંત બોલ્યા, 'જો તમને આ મળ્યું છે તો જાણજો કે મારું મૃત્યુ નજીક છે. કૃપા કરીને આ સમાચારને રસ ધરાવતા લોકો સાથે શેર કરો અને જો શક્ય હોય તો તેમને જણાવો. પોલીસે હજુ સુધી હુમલાખોરનું નામ જાહેર કર્યું નથી. પોલીસે જણાવ્યું કે હુમલાખોર મહેલના બગીચામાં ફરતો હતો ત્યારે સીસીટીવીમાં કેદ થયો હતો. તે બહારની દીવાલ ચઢીને અંદર પ્રવેશ્યો. બ્રિટિશ પોલીસ હવે વીડિયોની તપાસ કરી રહી છે.
Advertisement
 
 
 
 
 
It’s been revealed a 19-year-old intruder who was arrested in the grounds of Windsor Castle was armed with a crossbow – and it’s claimed he intended to assassinate the Queen. https://t.co/TWh1KQycs4 @MKarstunen #7NEWS pic.twitter.com/ADMQh9WWut
— 7NEWS Sydney (@7NewsSydney) December 27, 2021