મેરાન્યૂઝ નેટવર્ક.નવી દિલ્હી: હોલીવુડના સુપરસ્ટાર જેસન મોમોઆએ 'એક્વામેન' અને ખેલ ડ્રોગોના 'ગેમ્સ ઓફ થ્રોન્સ'માંના પાત્રોને કારણે ખાસ ઓળખ મેળવી છે. તે તેના બોડી માટે પણ જાણીતો છે, તેથી જ તે એક્વામેનની ભૂમિકામાં સંપૂર્ણ રીતે બંધ બેસે છે. પરંતુ જેસન મોમોઆનો એક વીડિયો સોશિયલ મીડિયા પર વાયરલ થઈ રહ્યો છે, જેમાં તે તેની સહ-અભિનેતાને હાથેથી પકડીને હવામાં ફંગોળતો જોવા મળી રહ્યો છે. એટલું જ નહીં, તે તેને હવામાં ફેરવી રહ્યો છે, પછી અન્ય લોકો દોરડાની જેમ તેને કુદતા જોવા મળે છે.

હોલીવુડ સ્ટાર જેસન મોમોઆનો આ વીડિયો તેની આગામી ફિલ્મ 'ડુન'ના શૂટિંગ દરમિયાનનો છે. આ વિડિઓ જોશ બ્રોલીન દ્વારા પોસ્ટ કરવામાં આવી છે અને જેસન મોમોઆએ તેના ઇન્સ્ટાગ્રામ પર શેર કરી છે. ફિલ્મ 'ડુન' 2021 માં રિલીઝ થશે. આ રીતે, જેસન મોમોઆ શૂટિંગ દરમિયાન તેના સાથીદારો સાથે ખૂબ એન્જોય કરતો જોવા મળે છે, અને અન્ય લોકો પણ તેનો આનંદ માણી રહ્યા છે. 41 વર્ષીય જેસન મોમોઆ 'સ્વીટ ગર્લ'માં પણ જોવા મળશે. જેસન 'બેવોચ' શ્રેણીમાં પણ કામ કરી ચૂક્યો છે. એપલ ટીવી પર તેની 'સી'  સીરીઝ સારી પસંદ આવી હતી અને હવે તે જેક સ્નેડર જસ્ટિસ લીગમાં એક્વામેનની ભૂમિકામાં જોવા મળશે.