જય અમીન (મેરાન્યૂઝ. સાબરકાંઠા): હિન્દૂ સંસ્કૃતિએ હંમેશા વિદેશીઓને પણ પોતાના તરફ આકર્ષ્યા છે. દાદા ભગવાનના આદર્શો થી આકર્ષિત થયેલા જર્મનીના યુવક અને રશિયાની યુવતીએ હિન્દૂ સંસ્કૃતિથી લગ્ન કરવા માટે તેમના ભારતીય મિત્ર અને સાબરકાંઠાના સાકરોડિયાના યુવાનને જણાવતા યુવાન અને યુવાનના પરિવારજનોમાં ખુશી સાથે વિદેશી દંપતીનું ધામધૂમથી લગ્ન કરવાવવાનું નક્કી કરાયું હતું અને યોજાયા હતા. અનોખા લગ્ન જેમાં વર જર્મનીનો અને કન્યા રશિયાની હતી અને લગ્નમાં ગુજરાતી જાનૈયાઓ નાચતા જોવા મળ્યા હતા. વિદેશી દંપતીએ હિન્દુ સંસ્કૃતિ મુજબ લગ્ન કરી પ્રભુતાના પગલાં પાડી ખુશખુશાલ જોવા મળ્યા હતા. વિદેશી દંપતીના લગ્નમાં સાબરકાંઠા સાંસદ દીપસિંહ રાઠોડ પણ સામેલ થઇ શુભેચ્છા પાઠવી હતી.
Advertisement
 
 
 
 
 
હિંમતનગર તાલુકાના સાકરોડીયામાં યોજાઈ હતા અનોખા લગ્ન...જ્યાં વર છે જર્મનીનો....કન્યા છે રશિયાની..અને જાનૈયા છે ગુજરાતી.... હા.... બે અલગ અલગ દેશના લોકો આજે હિંદુ ધાર્મિક વિધિ વિધાનોથી લગ્નના તાંતણે જોડાયા છે...મૂળ જર્મનીના ક્રીશ મુલર અને રશિયાની જુલિયા ઉખવાકટીનાને ભારતના આધ્યાત્મે આકર્ષેલા...અને આ જ અધ્યાત્મ આજે તેમનાં મંગલ પરિણયમાં પરિણમ્યું હતું.અને તેમની હિંદુ વિધિથી લગ્ન કરવાની ઇચ્છા પણ થઇ ફળીભૂત...અહી એમને પીઠી પણ ચોળાઈ....લગ્ન ગીત પણ ગવાયા...અને કન્યાદાન પણ દેવાયા હતા.
જુલિયા અને ક્રીશ બંને અધ્યાત્ત્મની શોધમાં છે..અને તેઓ દાદા ભગવાનથી આકર્ષાયેલા અને આ આકર્ષણ તેમને સાકરોડીયા ગામમાં ખેંચી લાવેલા..અને તેમના મિત્રને હિંદુ ધાર્મિક વિધિથી લગ્ન કરવાની ઈચ્છા વ્યક્ત કરેલી. અને તરત જ કંકુના કરાયા. કંકોત્રીઓ છપાઈ.કન્યા અને વર પક્ષનું સ્થાન એમના મિત્રના પરિવારજનોએ લીધું.
અને લગ્ન સંપન્ન થયા તો લગ્નનાં આં વિધિ-વિધાનોથી નવ-દંપતી પ્રભાવિત થયા અને આ સંસ્કૃતિનાં ભર પેટ વખાણ કર્યા હતા.
ભારતીય સંસ્કૃતિ, હિંદુ ધર્મ....આજે પણ વિદેશીઓને પ્રભાવિત કરી રહ્યો છે...હાલમાં ભલે બની બેઠેલા સંત્તો ધર્માંતરણની વાતો કરે... પણ જેણે હિંદુ ધર્મને તેના મૂળમાંથી જાણ્યો છે એવા જુલિયા અને ક્રીશ જેવા યુવાનો-યુવતીઓ ભલે હિંદુ નથી...પણ સહર્ષ રીતે હિંદુ ધર્મને આદર આપી આવી જ રીતે ત્તેનું ગૌરવ વધારી રહ્યા છે......
Advertisement
 
 
 
 
 
આવા લગ્ન ક્યારેય નહીં જોયા હોય....!! વર જર્મનીનો દુલ્હન રશિયાની અને જાનૈયા ગુજરાતના...વિદેશી દંપતી હિન્દૂ સંસ્કૃતિથી લગ્ન કર્યા pic.twitter.com/8blCrS2npL
— Darshan Patel (@darshan_pal) December 19, 2021