મેરાન્યૂઝ નેટવર્ક. પુડ્ડુચેરી:  પુડ્ડુચેરીના પૂર્વ મુખ્યમંત્રી વી નારાયણસ્વામીએ સોમવારે ગૃહમંત્રી અમિત શાહને પડકાર ફેંક્યો છે. નારાયણસ્વામીએ કહ્યું, અમિત શાહે કહ્યું કે વડા પ્રધાને પુડુચેરીના વિકાસ માટે રૂ .15,000 કરોડ મોકલ્યા, જે મુખ્ય પ્રધાને ગાંધી પરિવારને આપ્યા. શાહે મારી સામે ખૂબ જ ગંભીર આરોપ લગાવ્યા છે. હું તેમનું નિવેદન સાબિત કરવા માટે તેમને પડકાર આપું છું. જો તેઓ તેમ કરી શકતા નથી, તો દેશ અને પુડ્ડુચેરીની જનતાની માફી માંગે.

કોંગ્રેસ નેતા અને પુડ્ડુચેરીના પૂર્વ મુખ્યમંત્રી નારાયણસામીએ કહ્યું કે, જો ગૃહ પ્રધાન અમિત શાહ મારા ઉપર લગાવવામાં આવેલા આરોપોને સાબિત નથી કરી સકતા, તો હું મારી અને ગાંધી પરિવારની છબીને નુકસાન પહોંચાડવા ખોટા નિવેદનો આપવાની સામે ફોજદારી માનહાનિનો કેસ કરીશ.

શું છે મામલો 
કેન્દ્રીય ગૃહમંત્રી અમિત શાહ રવિવારે પુડ્ડુચેરી પહોંચ્યા હતા. આ દરમિયાન, એક જાહેર સભાને સંબોધન કરતાં તેમણે કહ્યું કે નારાયણસ્વામીની સરકારે પુડ્ડુચેરીમા ભ્રષ્ટાચારની ગંગાને આગળ વધારવાનું કામ કર્યું છે. નારાયણસ્વામી પર આક્ષેપ કરતા શાહે કહ્યું હતું કે ભારત સરકારે અહીં વિકાસ માટે રૂ .15,000 કરોડ મોકલ્યા છે. શું આ પૈસા તમારા ગામડામાં આવ્યા છે? નારાયણસામીની સરકારે આ 15,000 કરોડ રૂપિયા દિલ્હીમાં ગાંધી પરિવારની સેવામાં મોકલ્યા. શાહે કહ્યું કે પૂર્વ મુખ્યમંત્રી વી નારાયણસામીએ કેન્દ્રમાંથી (પુડુચેરી માટે) પ્રાપ્ત થયેલા રૂ .15,000 કરોડમાંથી ગાંધી પરિવારને 'કટ મની' આપી હતી .