મેરાન્યૂઝ નેટવર્ક. વોશિંગ્ટન :યુએસ સ્પેસ એજન્સી નાસાના જણાવ્યા અનુસાર, એક વિશાળ ઉલ્કા પૃથ્વી તરફ આગળ વધી રહી છે. તેનું કદ વિશ્વની સૌથી ઉંચી ઇમારત દુબઈની પ્રખ્યાત બિલ્ડિંગ, બુર્જ ખલિફા જેટલું મોટું છે. આ ઉલ્કા મિસાઇલથી અનેક ગણી ઝડપે પૃથ્વી તરફ આગળ વધી રહી છે.
નાસાના જણાવ્યા મુજબ, આ ઉલ્કાપિંડ 29 નવેમ્બર એટલે કે રવિવારે રાત્રે પૃથ્વીથી થોડા હજાર કિમી દૂરથી પસાર થશે. તેની વર્તમાન ગતિ પ્રતિ કલાક 90000 કિમી છે. જણાવી દઈએ કે નાસા ખૂબ લાંબા સમયથી આ ઉલ્કાના પર નજર રાખી રહ્યું છે.
કદ લગભગ બુર્જ ખલીફા જેટલું છે
આ ઉલ્કાને 153201 2000 WO107 નામ આપવામાં આવ્યું છે. તેની ઊંચાઈ 820 મીટર છે, જ્યારે બુર્જ ખલીફાની ઊંચાઈ 829 મીટર છે. આ મિસાઇલની ગતિ પ્રતિ કલાક સરેરાશ 4000 કિ.મી.ની ધરાવે છે, જ્યારે આ ઉલ્કાની ગતિ એનાથી ઘણી વધારે છે. નાસાએ તેને નિયર અર્થ ઓબ્જેક્ટની શ્રેણીમાં મૂક્યું છે, એટલે કે તે પૃથ્વીની નજીકથી પસાર થશે.
ટકરાવાની આશંકા
પરંતુ આ વાતની જરા પણ આશંકા નથી કે તે પૃથ્વી પર ટકરાશે. આ રીતે, નાસાના ખગોળશાસ્ત્રીઓ સહિત વિશ્વના તમામ ખગોળશાસ્ત્રીઓએ ફરી એકવાર રાહતનો શ્વાસ લીધો છે. નોંધપાત્ર વાત એ છે કે, આ વર્ષે ઘણા ખતરનાક ધૂમકેતુ પૃથ્વીની નજીકથી પસાર થઈ ગયા છે. આભાર કે કોઈ પૃથ્વી પર ટકરાયું નથી. તાજેતરના વર્ષોમાં ભારતના વિવિધ વિસ્તારોમાં વિચિત્ર ઘટનાઓ બની છે, જેને ઉલ્કાઓ સાથે જોડવામાં આવી રહ્યું છે.
