મેરાન્યૂઝ નેટવર્ક.ધ્રાંગધ્રાઃ ધ્રાંગધ્રા-અમદાવાદ હાઇવે પરથી અવાર-નવાર દારુની હેરફેર કરતા ટ્રકો પકડાય છે. ત્યારે હાલમા જ લોકસભાની ચુટણી સમગ્ર દેશમા હોવાથી અન્ય રાજ્યોમાથી દારુ ગુજરાતમા ઘુસાડવો બુટલેગરો માટે થોડુ કઠીન બન્યુ હતું. જ્યારે દેશના તમામ રાજ્યોમા ચુટણી પડઘમ શાંત પડતા જ ગાંધીના ગુજરાતમાં ફરીથી દારુ ઘુસાડવાનુ નેટવર્ક શરૂ કરી દેવાયુ છે.

જેમાં ધ્રાંગધ્રા-હળવદ હાઇવે પર આવેલા જીવા ગામની સીમમા જીલ્લા એલ.સી.બીના પીઆઇ ડી. એમ. ઢોલને મળેલી બાતમીના આધારે અન્ય પોલીસ સ્ટાફ સંજય પાઠક, કુલદીપસિંહ ઝાલા, હિતેશભાઇ જોગરાણા સહિતનાઓ ઘટના સ્થળે પહોચતા નાશભાગ મચી જવા પામી હતી. જેમાં ત્રણ શખ્સો પોલીસ હાથે ચઢી ગયા હતા. આ ત્રણેય શખ્સોને પકડી પાડી ટ્રકમાંથી ઉતારેલા વિદેશીદારુની પેટીઓ પણ પોલીસે ઝડપી લીધી હતી. ટ્રકમાં પાછળની સાઇડ દારુની પેટીઓ મુકવા માટેની એક અન્ય વ્યવસ્થા કરવામા આવી હતી. જેના લીધે હાઇવે પર જો ટ્રકને પોલીસ દ્વારા ચેક કરવામાં આવે તો તેઓને માત્ર માલ-સામાન જ નજરે પડે.

નવીન મોડસ ઓપરેન્ડી વડે દારુ ઘુસાડવામાં આવે છે બુટલેગરો પોલીસના નાક નીચેથી દારુ ભરેલી ટ્રકને પોતાના માલિક સુધી પહોંચાડી દે છે. જીવા ગામ તરફથી ઢવાણા ગામ તરફ જવાના રસ્તે સતીમાના પાળીયાવાળી તલાવડી નજીક ટ્રકમાંથી દારુનું કટીંગ થતું હતું.

આ દારુનું કટીંગ મોડી રાતથી ચાલુ હોય જેથી મોટાભાગનો દારુ સગેવગે કરી દેવાયો હતો. જ્યારે એલ.સી.બી સ્ટાફના હાથે ૧૫૦ વિદેશીદારુની પેટીઓ લાગી હતી. એલ.સી.બી એક સ્થાનિક સહિત કુલ ત્રણ શખ્સોને ઝડપી પાડ્યા છે. એલ.સી.બીના હાથે લાગેલા મુદ્દામાલ કુલ ૧૮૦૦ નંગ વિદેશીદારુની બોટલ કિંમત રૂપિયા ૭.૨૦ લાખ, એક ટ્રક કિંમત રૂપિયા ૧૦ લાખ, ૩ મોબાઇલ કિંમત રૂપિયા ૧૧ હજાર, તથા રોકડ ૭ હજાર મળી કુલ ૧૭.૩૮ લાખનો મુદ્દામાલ કબ્જે કરી (૧) રમેશ લવજીભાઇ પરમાર રહે:-ધોલેરા, જી:-બનાસકાંઠા, (૨) વિક્રમસિંહ જગદીશચંદ્ર રાજપુત રહે:- હરીપાણા, (૩) મયુરસિંહ ભીખુભા જાડેજા રહે:-જીવા, તા:-ધ્રાંગધ્રાવાળા તમામ ત્રણેય શખ્સો હાલ પોલીસ ગીરફ્તમા હોય જ્યારે અન્ય (૪) પ્રદિપસિંહ ચંદુભા ઝાલા રહે:-જીવા, (૫) બલજીતસંગ જાટ રહે:- હરીયાણા તથા (૬) જીજે-૦૨-ઝેડ-૦૫૩૧ નો ચાલકવાળાઓ ભાગી છુટ્યા હતા. એલ.સી.બી દ્વારા હાલ ધ્રાંગધ્રા તાલુકા પોલીસ સ્ટેશન ખાતે ગૃન્હો નોંધાવી ટ્રક સાથે મુદ્દામાલ તથા ઝડપાયેલ ત્રણ શખ્સોનો કબ્જો સોપી દીધો છે.