મેરાન્યૂઝ નેટવર્ક.જામનગરઃ છેલ્લા ઘણા સમયથી પક્ષપલ્ટુ નેતાઓની સીઝન આવી ગઈ છે. હાલમાં જ જામનગર ગ્રામ્ય વિધાનસભા બેઠક ખાલી પડી છે. અહીંના ધારાસભ્ય અને જેતે વખતે કોંગ્રેસમાંથી જીતેલા વલ્લભ ધારવિયા ભાજપમાં જોડાયા છે. જેને પગલે ખાલી પડેલી બેઠક પર હવે પેટા ચૂંટણી યોજાનાર છે. આગામી 23 એપ્રિલે આ ચૂંટણી યોજાનાર છે.

જામનગર ગ્રામ્ય વિધાનસભા સીટ માટે 28 માર્ચના રોજ નોટિફિકેશન જાહેર થશે. ફોર્મ ભરવાની અંતિમ તારીખ 4 એપ્રિલ છે. જ્યારે ફોર્મ ખેંચવાની તારીખ 8 એપ્રિલ છે. 23 એપ્રિલના રોજ મતદાન થશે અને 23 મે ના રોજ પરિણામ જાહેર થશે. ઉલ્લેખનીય છે કે 23 એપ્રિલના રોજ લોકસભા-2019 માટે પણ મતદાન થવાનું છે.

જામનગર ગ્રામ્યના ધારાસભ્ય વલ્લભ ધારવિયા સિવાય ઉંઝાના ધારાસભ્ય આશાબેન પટેલ, માણાવદરના ધારાસભ્ય જવાહર ચાવડા અને ધ્રાંગધ્રાના ધારાસભ્ય પરસોત્તમ સાબરિયા કોંગ્રેસમાંથી રાજીનામું આપીને ભાજપમાં ભળી ગયા છે.