COVER STORY

ગુજરાતની આ 75 નગરપાલિકાની 17 ફેબ્રુઆરીએ યોજાશે ચૂંટણી: જાણો વિગતે

-

મેરાન્યૂઝ નેટવર્ક, ગાંધીનગર: ગુજરાતની 75 નગરપાલિકાઓની સામાન્ય અને અન્ય સ્થાનિક સ્વરાજ્યની સસ્થાઓની પ્રસંગોપાત ખાલી પડેલ બેઠકોની પેટા ચૂંટણી 17 ફેબ્રુઆરી 2018ના રોજ યોજવા રાજ્ય ચૂંટણી આયોગે આજે જાહેરાત કરી છે. આથી આ ચૂંટણીમાં ઉમેદવારો અને રાજકીય પક્ષો માટે આદર્શ આચાર સંહિતા આજથી સ્થાનિક સ્વરાજ્ય સંસ્થાઓની ચૂંટણી હેઠળના વોર્ડના વિસ્તારોમાં અમલી બની છે. આ ચૂંટણીઓ માટે 29 જાન્યુઆરીથી 3 ફેબ્રુઆરી સુધી ઉમેદવારીપત્રો ભરી શકાશે. જ્યારે 6 ફેબ્રુઆરી ઉમેદવારી પરત ખેંચવાનો છેલ્લો દિવસ છે. 17 ફેબ્રુઆરીએ મતદાન યોજાશે અને 19 ફેબ્રુઆરીએ મતગણતરી થશે. આ ચૂંટણીમાં ભાજપ અને કોંગ્રેસ બંને માટે લિટમસ ટેસ્ટ સાબિત થશે કારણ કે તાજેતરના મહિનાઓમાં ગુજરાત વિધાનસભાની ચૂંટણીઓ પૂર્ણ થઇ છે અને વર્ષ 2019માં લોકસભાની ચૂંટણીઓ યોજાવાની છે. અત્રે ઉલ્લેખનીય છે કે આ ચૂંટણીમાં EVM થી મતદાન થશે તથા તેમા નોટાનું બટન પણ આપવામાં આવશે.

આ 75 નગરપાલિકાની યોજાશે ચૂંટણી: બાવળા, સાણંદ, ધંધુકા, લાઠી, જાફરાબાદ, ચલાલા, રાજુલા, વલ્લભવિદ્યાનગર, આંકલાવ, બોરિયાવી, ઓડ, કરમસદ, થરાદ, ધાનેરા, લુણાવાડા, સંતરામપુર, બાલાશિનોર, શિહોર, ગારીયાધાર, તળાજા, ઝાલોદ, દેવગઢબારિયા, માણસા, સલાયા, દ્રારકા, ભાણવડ, બાંટવા, માણાવદર, માંગરોળ, વિસાવદર, વંથલી, ચોરવાડ, રાપર, ભચાઉ, ખેડા, ચકલાસી, મહેદાવાદ, ડાકોર, મહુધા, ખેરાલુ, વિજાપુર, વડનગર, છોટાઉદેપુર, વિજલપોર, બિલીમોરા, હારીજ, ચાણસ્મા, રાધનપુર, છાયા, રાણાવાવ, કુતિયાણા, હાલોલ, કાલોલ, જસદણ, જેતપુર-નવાગઢ, ધોરાજી, ભાયાવદર, ઉપલેટા, ઇડર, પ્રાંતિજ, તલોદ, ખેડબ્રહ્મા, જામજોધપુર, ધ્રોલ, કાલાવાડ, સોનગઢ, સુરેન્દ્રનગર-દુધરેજ, થાનગઢ, કરજણ, ગઢ્ડા, કોડિનાર, હળવદ, વલસાડ, પારડી, ધરમપુર.

આ સિવાય રાજકોટ મહાનગર પાલિકાની ખાલી પડેલ એક જગ્યા તથા ધોળકા, કડોદરા, માળિયા મિયાણા પાલિતાણા, તલાલા નગરપાલિકાની ખાલી પડેલે એક-એક જગ્યા અને બાયડ નગરપાલિકાની બે બેઠકો માટે ચૂંટણી યોજાશે.  

 
 
 

ALL STORIES

Loading..